Сунтарский район: 50 лет в браке

08.07.2020 17:52 0

Сунтарский район: 50 лет в браке

Дьиэ кэргэн, таптал уонна бэриниилээх буолуу күнүгэр улууспут киинигэр ыал буолан олорбуттара 50-н сылларын бэлиэтиир ыаллары уонна Уһун-Күөл, Дьаархан, Куокуну нэһилиэктэригэр олорор үс ыалга «Дьиэ кэргэн уонна тапталга бэриниилээх буолуу» анал бэлиэтин туппут дьиэ кэргэттэри үөрүүлээх быһыыга-майгыга эҕэрдэлээтилэр.

Кэрэ-бэлиэ күҥҥэ «Сунтаар улууһа (оройуона)» муниципальнай оройуон дьаһалтатын аатыттан социальнай, имиджевай политика отделын кылаабынай исписсэлииһэ Тамара Иванова, Сунтаар нэһилиэгин бэтэрээннэрин Сэбиэтин бэрэссэдээтэлэ Люция Иванова, улуустааҕы ЗАГС-а управлениятын салайааччыта Анна Григорьева Ирина Семеновна, Тимофей Гаврильевич – Гуриновтары уонна Елизавета Егоровна, Владимир Петрович – Копыловтары ыал буолан олорбуттара 50-н сылларын туолан улуус «Кыһыл көмүс» кинигэтигэр киирбитэринэн эҕэрдэлээтилэр. Ытык-мааны улууспут киэн туттар ыалларыгар Сунтаар улууһун Аҕа баһылыгын эҕэрдэ суругун уонна СӨ ЗАГС-а тын «Дьиэ кэргэн килбиэнэ» бэлиэтин, Үлэ уонна социальнай харалта миниистирин эҕэрдэ суруктарын туттардылар.

Сылын аайы биһиги улууска үйэ аҥаара бииргэ олорбут ыал «Дьиэ кэргэн уонна тапталга бэриниилээх буолуу» анал бэлиэлэри тутар, онтон быйыл үс ыал – Куокунуттан Ада Егоровна, Семен Федорович Генеровтар, Уһун-Күөлтэн Татьяна Алексеевна, Николай Иванович Игнатьевтар, Дьаархантан Людмила Васильевна, Алексей Кузьмич Кырыловтар туттулар.

"Сунтаар улууһа (оройуона)" муниципальнай оройуон дьаһалтатын пресс-сулууспата.

Источник

Следующая новость
Предыдущая новость

Назван самый вероятный конец человеческой цивилизации

Последние новости